Конак
Модерен планински објект базиран на традиционален изглед, совршен за Вашиот одмор.
„Конак“ – Попова Шапка е модерен планински објект базиран на традиционален изглед. Сместен е на Шар планината во скијачкиот центар Попова Шапка на 1760 мнв. Поволната географска положба релативно блиску до Тетово на 18 км и Скопје 55 км главниот град на Република Македонија го прави да го посетат голем број туристи и во летната и во зимската скијачка сезона. Особено задоволство ќе Ви овозможи ентериерот на објектот во комбинација на дрво и камен со камин и отворен поглед на скијачките терени. На платото пред објектот се наоѓа голема тераса која има јужна ориентација и доста погодна за престој во текот на зимската сезона поради големиот број сончеви денови кои се главна одлика на скијачкиот центар Попова Шапка.